ՀԱՅԵՐԻ ԵՐԴՈՒՄԸ ԾԻԾԵՌՆԱԿԱԲԵՐԴՈՒՄ

-Երդվի՛ր,

Որ մինչ նախնյացդ հողին հանձնելը,

Հուշն իրենց կերոն չես թողնի հանգչի:

-Երդվում եմ...

-Երդվի՛ր,

Որ ալ արյանդ վերջին կաթիլը,

Կտաս հանց մեռոն հողիդ, երբ կանչի:

-Երդվում եմ...

-Երդվի՛ր,

Որ մինչ հայրերիդ հողն ազատելը,

Ո՛չ հանգիստ, ո՛չ քուն դու չես ճանաչի:

-Երդվում եմ...

-Երդվի՛ր,

Որ հզոր երկիր նորից կերտելը,

Հսկելն օրնիբուն պարտքն է քո աջի:

-Երդվում եմ...

-Երդվի՛ր,

Որ սուրբ օջախիդ ծուխը պահելը,

Պահպանելն արթուն լոյսն է քո աչի:

-Երդվում եմ...

-Երդվի՛ր,

Որ նոր սերնդիդ Արի կրթելը,

Մեծացնելն անթույն լույսն է քո աճի:

-Երդվում եմ...

-Երդվի՛ր...

-Երդվում եմ

Արևով արյան, որ տերն եմ Հայ Տան`

Կամքով իմ խղճի, սրտովն Արարչի:

-ԵՐԴՎՈւՄ ԵՆՔ...